辭職好難講

真係決定左辭職, 但係諗左好耐, 都唔知點開口!
用咩理由好呢? 究竟我用咩理由同佢講, 等佢唔使留我呢?
定係我自己諗多左, 佢根本唔會留我呢?
由決定開口講辭職, 開始唔捨得呢度.....
始終我都放左好多時間, 心機, 精神落去
不過而家個情況, 佢係會留我, 因為根本唔夠人
既然係咁, 我應該點樣拒絕佢好呢?
呢幾日個腦不停咁諗, 我同老細之間既對答會係點?
我應唔應該講我辭職既真正原因? 定係求其作一個理由?
有人會覺得我好浪費, 升左職唔夠半年, 就話辭職
浪費?我又唔覺得, 始終呢份都係part time而已
我真係唔想再俾請假呢個問題, 困死左我...
學慧妹話, 呢份工根本係用時間黎交換既工....
講得冇錯, 真係想請個假都好難, 返工返遲d就要黑面
唉! 希望到時辭職可以順利完成!!!!!!!!

嬲到震

星期六返馬, 真係返工嬲到我震...
大家都好努力咁討論4月4日清明返工, 有三工.....
老細亦都難得地自己編返果日既更, 但佢竟然同我講
叫我同u lai 返上下更, 或者一人返一日
聽到果一刻, 我真係好嬲....嬲到我好想即刻拎張紙出黎寫辭職唔做
你自己做埋我果份....做左咁多年, 馬會一直都係刻扣員工d福利
今年就話一定要跟勞工法, 俾三工, 你就即刻同我地計
叫我地返上下更??? 枉我地咁多年一直都咁幫你做野....
你唔夠人, 我自己一個做到隻狗咁...咁多年黎, 你咁同我計?
之前已經係好心淡...而家我真係頭也不回咁唔做...
不過你對得我咁絕, 我都一樣會對你咁絕....
辭職唔做我就一定會.....但放心, 我一定要一獲Q起你, 我先走
我預左唔會返轉頭, 預左俾馬會black list, 都唔會再幫你
反正你地班老屎忽, 成日都係向度陰謀論咁諗人地...
永遠覺得係人地玩野, 咁我係咪玩野都冇所謂啦!
你個人咁賤咁絕, 真係抵你冇人心甘命抵咁幫你做野
激死我!!!!!!!!!!!!!!!!!!!!!!!!!!!!!!!!!!!!!!!!!!!!!!!

剪髮

琴日收工同左個同事一齊去左剪頭髮
Summer到了, 一年我最唔鍾意既季節
一於立下心腸剪短頭髮, 黎同夏天搏鬥
因為我真係好怕熱.....
呵呵, 而家剪到咁短, 真係爽爆!
Yeah Baby

Facebook 力量

以前讀書的時候, 有一位朋友很要好
但於中三, 中四時, 已經失去聯絡...
至今失去聯絡都有十年.....
一直想她應該是去了外國讀書...
很想找回聯絡她的方法...
最近忽然想在facebook裡, 試試找吧
誰知道真的找到了.....心裡實在歡喜得很
她真的去了外國, 直至現在....
找到她已有一個星期...一直都未與她相認
(好像失散多年之親屬的劇情)
心裡盤旋著, 她是否認得我? 還記得我嗎?
顯得非常緊張...該如何開口?
直至現在還不知如何開口........
就算一直都不相認, 只要跟她有一個聯繫方法
我心裡已經感到滿足...
因為這一件事, 令到我最近不停回想起讀書時的回憶
讓我繼續慢慢回味這些回憶吧!

終於都鬆一口氣

經過長期作戰, 長期OT, 仲要冇錢補果隻...
可以暫時鬆一口氣, 趕走左佢地, 唔使再留向OFFICE度
諗返起, 咁快又開始AUDIT, 諗返起一年前..
時間都過得好快...一年前我仲記得係祖祖既STARLIGHT
仲要剛剛同水區既人混熟左....
自從澳門既祖祖之後, 就同jan失去左聯絡....
睇到佢個blog, 佢應該都係處於心情低落中....
有d擔心, send左個sms俾佢, 幸好佢都有覆我...
話俾我知佢冇乜事....希望佢可以盡快冇事...
每個人都總會經歷低潮, 心情低落.快d冇事就好啦
自己對上一次心情低落, 我已經唔記得左幾時
其實自己冇乜記性都係一件好事, 起碼唔開心都會好快唔記得

早兩日見左新part time個老細, 長氣阿叔一個, 哈哈
不過間公司都ok, 希望可以向果度做得開心.....
同左馬會個拍檔講, 將來新果份講上左手之後, 就會辭職馬會
聽到左之後, 佢都幾失落, 咁樣我都明白既....
如果我走埋, 老細好老自然就將所有目標都落去佢度...
佢第日既日子會好難過, 不過我真係好心淡, 希望佢都快d走到啦

星期日要去影畢業相, 已經訂左花, 又送左份畢業禮物
幸好人地都好開心, 因為d野都幾貴....立刻冇乜錢....
都唔知草唔草得切錢去旅行......

煩惱

呢兩日真係煩.....
早兩日, 慧妹打電話黎, 俾份part time我做
又part time, 份野係做會計, 其實即係頂佢個位
頂左佢份工做, 而家佢轉左工, 份part time佢就唔多想做
就想搵人頂佢個位, 做果份野.....
做一份野, 個數係好搵過返馬會, 同埋又唔會成日用晒d時間
至少都可以向屋企做, 但初初我諗都係要同慧妹拍住一齊做
份糧就一人一半....工作量都share....
佢老細又唔介意, 總之就掟一份錢出黎, 幫佢搞掂晒公司盤數就得架啦
如果係咁樣, 其實我三份工一齊做, 都ok架, 同而家都係用咁多時間
又向度諗, 返三份工,真係好顛, 以為我真係發錢寒得好緊要
但當我問其他人意見時, 佢地都不約而同話, 返住三份工先
如果到新果個part time做唔掂先再唔做.....
起碼留返一條後路俾自己, 唔好咁快辭職唔做
但其實我一心諗住, 有份新工, 我就打算辭左馬會份工
因為我真係對呢份工, 心都淡埋, 計下計下....
馬會份工, 我都做左六年幾, 真係由讀書做到出黎做野
以前我真係唔捨得辭左份工, 因為我真係放左好多心機落去
真係做part time既心機, 仲多過做full time...
但漸漸越黎越心淡, 可能個人越大, 真係越記唔到咁多野
兩邊一齊handle真係好辛苦, 兩邊都係多野做.....
重點係, 馬會個老細越黎越衰, 佢真係當我係鉄人....
一個頂幾個人做野, 真係冇諗過我會辭職唔做咁....
又成日都當我地係萬能...同埋對住佢, 真係好攰....
開始想搵少d錢, 都唔想再咁樣落去....
越黎越覺得人生係冇乜意義....返工放工返工放工
抉擇中.....睇怕我都係三份工一齊返架啦....唉!!!


琴日老細彈一句過黎, 叫我搵定d單位,俾佢睇下, 想搬office....
我一聽到就晴天霹靂....唔係呀? 搬office係一件極煩既事
仲要俾我做?? 真係心情即刻跌落谷底.....
因為上星期個風水佬睇完之後, 話我地個office係最差....
又話呢樣又話果樣, 救命, 真係你一句, 害人不淺
但我真係好鍾意我而家返工果度喎...又方便, 返屋企又近
又多野食, 做野又方便, 又近銀行.....好多好處
我真係好唔想搬.............唉!!!!!!!

他們真的好很煩

一年一度Audit大日子, 已經進行左一個星期....
每年到左呢個時候, 都非常之咁頭痕.....
因為d auditor真係好很煩.....
又問呢樣....又問果樣....又要搵呢樣果樣....
佢地話"睇黎真係冇人鍾意d auditor"
我心諗, 你地唔會係受歡迎呀???
又有邊個鍾意俾人問野問到篤架...救命

上星期, 老細搵左個風水佬, 睇晒我地公司d offices
台灣呀, 大陸呀, 香港呀, 澳門呀......
其他地方要機票咋, 否則連我諗我地老細都要佢去外國睇埋
向外國office, 有個中國風水佬向度睇風水, 應該會幾搞笑

睇完之後, 今日就要將老細間房黎個大執位..咁就搞左一個晏晝
我就問我阿頭....點解當時裝修唔叫佢黎睇...
而家無啦啦黎咁搞, 咁鬼麻煩......
佢答得我好好, 而家咁既經濟, 市道唔好, 快餐店同風水佬係好好生意....
咁樣講又係既, 中國人又好信呢d野....當好無助既時候
就會想辦法去搵d野去幫助......

由今日晏晝幫老細搞間房, 成個過程中間發生左d野....
睇得出, 其實我老細都係幾好人, 真係幾好.....
呢一點, 我都唔係今日先睇得出...平時我都睇到....
唉, 比起我馬會果個老細, 真係天同地比呀.....
點解我留向呢間公司咁耐? 某個程度都係因為呢個老細
雖然制度又唔多好, 福利就梗係唔多覺啦......
但都留到咁耐, 我自己都估唔到...成日想轉工, 但又唔捨得
最好就係快d唔使做.....